- Edited and Published by S.K Nair Director Edutech Foundation - Bangalore
ശ്രീ എസ്സ് കെ.നായർ ബാംഗ്ലൂർ - രചിച്ച രണ്ടാമത്തെ ചെറുകഥാ സമാഹാരം ചിരിക്കുന്ന ചെരുപ്പുകൾ എന്ന പുസ്തകത്തിന്റെ കവർ പേജ് പ്രകാശനം പ്രമുഖ വാഗ്മിയും കവിയുമായ ശ്രീ ആലംകോട് ലീലാകൃഷ്ണന്റെ സാന്നിധ്യത്തിൽ കേന്ദ്ര സാഹിത്യ അക്കാദമി അവാർഡ് ജേതാവായ ശ്രീ സുധാകരൻ രാമന്തളി പ്രകാശനം ചെയ്തു.
കേരളസമാജം ദൂരവാനിനഗറിന്റെ ജൂബിലി സ്കൂൾ ഓഡിറ്റോറിയത്തിൽ ചേർന്ന നിറഞ്ഞ സദസ്സിൽ മലയാളത്തിന്റെ പ്രശസ്ത കവി ശ്രീ ആലംകോട് ലീലാകൃഷ്ണനും കേരള സമാജം അധ്യക്ഷൻ ശ്രീ മുരളീധരൻ നായരും ചേർന്ന് സുജലി പബ്ലിക്കേഷൻസ് പ്രസിദ്ധീകരിച്ച ശ്രീ എസ്സ്.കെ.നായരുടെ ആദ്യ ചെറുകഥാ സമാഹാരം പൂച്ചക്കണ്ണി സുന്ദരിയാണ് എന്ന പുസ്തക പ്രകാശനത്തോട് അനുബന്ധിച്ചായിരുന്നു കവർ പേജ് പ്രകാശനം.
ബാംഗ്ലൂർ മലയാളി റൈറ്റേഴ്സ് ആൻഡ് ആർട്ടിസ്റ് ഫോറത്തിന്റെ ആഭിമുഖ്യത്തിൽ നടന്ന ചടങ്ങിൽ ശ്രീ വിഷ്ണുമംഗലം കുമാർ, ദുരാവാണി നഗർ കേരളസമാജത്തിന്റെ അധ്യക്ഷൻ ശ്രീ മുരളീധരൻ നായർ, മുൻ അധ്യക്ഷന്മാരായ ശ്രീ എം എസ്സ് ചന്ദ്രശേഖരൻ, ശ്രീ പി ദിവാകരൻ, ശ്രീ പീറ്റർ ജോർജ് എന്നിവരും കർണാടകത്തിലെ മുൻ എം.ഏൽഎ ശ്രീ.ഐവാൻ നിഗിളി, ബാംഗ്ലൂർ മലയാളി റൈറ്റേഴ്സ് ഫോറം അധ്യക്ഷൻ ശ്രീ കലിസ്റ്സ്, സെക്രട്ടറി ശ്രീ മുഹമ്മദ് ടി വി, ഖജാൻജി ശ്രീ ശാന്തകുമാർ, ശ്രീമാന്മാർ തങ്കച്ചൻ പന്തളം, ഡോക്ടർ രാജൻ, ഒ വിശ്വനാഥൻ, എ.വി.ആചാരി, സലിം കുമാർ, സുരേന്ദ്രൻ വെണ്മണി, അഡ്വക്കറ്റ് ജിബു ജമാൽ, എന്നിവരും ആശംസകളർപ്പിച്ചു.
ചിരിക്കുന്ന ചെരുപ്പുകൾ എന്ന പുസ്തകം അടുത്തുതന്നെ പ്രസിദ്ധീകരിക്കുന്നതാണെന്നു ശ്രീ എസ്സ്.കെ.നായർ യോഗത്തിൽ അറിയിച്ചു.
-കൂൾ ബാംഗ്ലൂർ ന്യൂസ്
