- Edited and Published by S.K Nair Director Edutech Foundation - Bangalore
കേരളസമാജം ദൂരവാനിനഗറിന്റെ ജൂബിലി സ്കൂൾ ഓഡിറ്റോറിയത്തിൽ ഇന്നലെ ചേർന്ന നിറഞ്ഞ സദസ്സിൽ മലയാളത്തിന്റെ പ്രമുഖ വാഗ്മിയും പ്രശസ്ത കവിയുമായ ശ്രീ ആലംകോട് ലീലാകൃഷ്ണനും കേരള സമാജം അധ്യക്ഷൻ ശ്രീ മുരളീധരൻ നായരും ചേർന്ന് സുജലി പബ്ലിക്കേഷൻസ് പ്രസിദ്ധീകരിച്ച ശ്രീ എസ്സ്.കെ.നായരുടെ ആദ്യ ചെറുകഥാ സമാഹാരം പൂച്ചക്കണ്ണി സുന്ദരിയാണ് എന്ന പുസ്തകം പ്രകാശനം ചെയ്തു.
ശ്രീ വിഷ്ണുമംഗലം കുമാർ പുസ്തപരിചയം നടത്തി.
കേരളസമാജത്തിന്റെ മുൻ അധ്യക്ഷന്മാരായ ശ്രീ എം എസ്സ് ചന്ദ്രശേഖരൻ, ശ്രീ പി ദിവാകരൻ, ശ്രീ പീറ്റർ ജോർജ് എന്നിവരും കർണാടകത്തിലെ മുൻ എം.ഏൽഎ ശ്രീ.ഐവാൻ നിഗിളിയും പുസ്തത്തിന്റ ആദ്യ പ്രതികൾ ഏറ്റുവാങ്ങി.
ബാംഗ്ലൂർ മലയാളി റൈറ്റേഴ്സ് ആൻഡ് ആർട്ടിസ്റ് ഫോറത്തിന്റെ ആഭിമുഖ്യത്തിൽ നടന്ന ചടങ്ങിൽ ശ്രീ എസ്സ്.കെ.നായരുടെ അടുത്ത പുസ്തകമായ ചിരിക്കുന്ന ചെരുപ്പുകൾ എന്ന കഥാ സമാഹാരത്തിന്റെ കവർപേജ് കേന്ദ്ര സാഹിത്യ അക്കാദമി അവാർഡ് ജേതാവായ ശ്രീ സുധാകരൻ രാമന്തളി പ്രകാശനം ചെയ്തു.
ചടങ്ങിൽ ശ്രീ ടി. എ.കലിസ്റ്റസ് അധ്യക്ഷത വഹിച്ചു. ഫോറം ഖജാൻജി ശ്രീ ശാന്തകുമാർ സ്വാഗതവും, കാര്യദർശി ടി.വി. മുഹമ്മദ്‌ കുനിങ്ങാട് നന്ദിയും രേഖപ്പെടുത്തി. ശ്രീമതി സൗദ റഹ്മാൻ കവിതാ പാരായണം നടത്തി. ശ്രീ തങ്കച്ചൻ പന്തളം കാര്യപരിപാടികൾ നിയന്ത്രിച്ചു.
ശ്രീമാന്മാർ എം. എസ് ചന്ദ്രശേഖരൻ, ഡോക്ടർ രാജൻ,ഒ വിശ്വനാഥൻ, എ. വി. ആചാരി, സലിം കുമാർ, സുരേന്ദ്രൻ വെണ്മണി, അഡ്വക്കറ്റ് ജിബു ജമാൽ, എന്നിവർ ആശംസകളർപ്പിച്ചു.
-കൂൾ ബാംഗ്ലൂർ ന്യൂസ്
